अल नासरको जितमा रोनाल्डोको सानदार प्रदर्शन, गरे गज्जबको फ्री किक गोल ! [भिडियो सहित] -

एजेन्सी – साउदी प्रो लिगमा अल नासरले सिजनको पहिलो जित दर्ता गरेको छ। साउदी प्रो लिगको नयाँ सिजनको पहिलो खेलमा बराबरीमा रोकिएको अल नासरले दोस्रो खेलमा सानदार जित दर्ता गरेको हो।

मंगलबार राति अल नासरले अल फयहलाई ४-१ को गोल अन्तरले पराजित गर्यो। किंग अब्दुल्लाह स्पोर्टस सिटीमा नासरको जितमा टालिस्काले २, क्रिस्टियानो रोनाल्डो र मार्सेलो ब्रोजोभिकले समान १ गोल गरे ।

फयहका लागि फासन सकलाले १ गोल गरेका थिए। पहिलो हाफमा २-० को अग्रता लिएको अल नासरले दोस्रो हाफमा दुई गोल थप्यो भने घरेलु टोलीले दोस्रो हाफमा एक सान्त्वना गोल गर्न सफल भयो।

रोनाल्डोको सानदार गोल

अल नासरको जितमा रोनाल्डोले सानदार प्रदर्शन गरे। रोनाल्डोले असिस्ट संगै एक गोल गरे। रोनाल्डोले पहिलो हाफको इन्ज्युरी समयको १० औं मिनेटमा फ्री किक गोल गरेका थिए।