बालोन डी'ओरमा मेस्सी-रोनाल्डो युगको अन्त्य, २१ वर्षमा पहिलो पटक दुवै परेनन् ! को-को परे ? [सूची सहित] -

एजेन्सी – प्रतिष्ठित फुटबल अवार्ड बालोन डी’ओर को यस वर्षको मनोनयन सार्वजनिक भएको छ। सन् २०२४ को बालोन डी’ओर मनोनयन बुधबार राति सार्वजनिक भएको हो।

यस पटक बालोन डी’ओरको मनोनयनमा अर्जेन्टिनी स्टार लियोनेल मेस्सी र क्रिस्टियानो रोनाल्डो दुवै परेका छैनन्। बालोन डी’ओर मनोनयनमा मेस्सी र रोनाल्डो दुवै नपरेको यो सन् २००३ पछिकै पहिलो पटक हो।

अर्जेन्टिनासँग कोपा अमेरिका जितेपनि मेस्सीलाई मनोनयनमा राखिएको छैन। मनोनयनमा सबै भन्दा बढी स्पेनिस महारथी रियल म्याड्रिडका खेलाडी छन्। रियलबाट सात खेलाडी मनोनित भएका छन्।

स्पेनसँग युरो जितेका लामाइन यामल, निको विलियम्स, अलेजान्ड्रो ग्रिमाल्डो, ड्यानी ओल्मो, रोड्रि र रियल म्याड्रिडबाट च्याम्पियन्स लिग जित्ने ड्यानी कारभाजल मनोनित भएका छन्।

केहि समय अगाडी मात्रै रियल आइपुगेका किलियन एम्बाप्पे सहित जुड बेलिङ्घम, भिनिसियस जुनियर बालोन डी’ओरका लागि मनोनित भएका छन्। त्यस्तै ह्यारी केन, बुकायो साका, डेक्लान राइस, कोल पाल्मर र फिल फोडेन पनि मनोनयनमा परेका छन्।

को-को छन् सूचीमा?

बेलिङ्घम (इंग्ल्याण्ड र रियल म्याड्रिड)

रुबेन डायस (पोर्चुगल र म्यानचेस्टर सिटी)

फिल फोडेन (इंग्ल्याण्ड र म्यानचेस्टर सिटी)

फेडेरिको भाल्भर्डे (उरुग्वे र रियल म्याड्रिड)

एमिलियानो मार्टिनेज (अर्जेन्टिना र एस्टन भिल्ला)

अर्लिङ हाल्यान्ड (नर्वे र म्यानचेस्टर सिटी)

निको विलियम्स (स्पेन र एथलेटिक बिलबाओ)

ग्रानित‌ जाका (स्विजरल्याण्ड र बायर लेभरकुसेन)

आर्टेम डोभबिक (युक्रेन र रोमा)

टोनी क्रुस (पूर्व जर्मनी र रियल म्याड्रिड)

भिनिसियस जूनियर (ब्राजिल र रियल म्याड्रिड)