एजेन्सी – साउदी क्लब अल नासरका पोर्चुगिज स्टार क्रिस्टियानो रोनाल्डो लोकप्रिय फुटबल भिडियो गेम ईए स्पोर्ट्स एफसीको उच्च मूल्याङ्कन गरिएका शीर्ष २५ खेलाडीको सूचीमा पर्न असफल भएका छन्।
साउदी प्रो लिगमा उच्च प्रदर्शन गरिरहेता पनि रोनाल्डो ईए स्पोर्ट्स एफसीको उच्च मूल्याङ्कन गरिएका शीर्ष २५ खेलाडीको सूचीमा पर्न असफल भएका हुन्।
२५ जनाको सूचीमा ८८ देखि ९१ सम्मको रेटिङ भएका खेलाडीहरू समावेश छन्। म्यानचेस्टर सिटीका एर्लिङ हालान्ड र रोड्रिको जोडी केलियन एमबाप्पेले सूचीमा पहिलो तीन स्थान ओगटेका छन्।
तीनै खेलाडीको रेटिङ ९१ छ। त्यसपछि केभिन डे ब्रुइन, ह्यारी केन, भिनिसियस जुनियर, र जुड बेलिङ्घम प्रत्येक ९० रेटिङका साथ सूचीमा छन्। रोनाल्डो सूचीबाट बाहिर रहे पनि उनका प्रतिद्वन्द्वी लियोनल मेस्सी शीर्ष २५ मा परेका छन्।
अर्जेन्टिनाका स्टार ८८ रेटिङका साथ १७ औं स्थानमा छन्। शीर्ष २५ बाट क्रिस्टियानो रोनाल्डोको बहिर्गमन धेरै विवादास्पद मानिएको छ।
Real-world inspired. FC IQ fueled.#FC25 ratings have arrived.
Pre-order today: https://t.co/PrACiidneF pic.twitter.com/br3iMWGMfr
— EA SPORTS FC (@EASPORTSFC) September 9, 2024
