एजेन्सी – म्यानचेस्टर सिटीका नर्वेली युवा स्टार एर्लिङ हालाण्ड पोर्चुगिज स्टार क्रिस्टियानो रोनाल्डोले बनाएको एक रेकर्ड नजिक पुगेका छन्। सिटी गए देखि नै उच्च प्रदर्शन गर्दै आएका हालाण्ड रोनाल्डोले एक रेकर्ड नजिक पुगेका हुन्।
क्रिस्टियानो रोनाल्डोले रियलका लागि निरन्तर गोल गर्दै बनाएको एक रेकर्ड अब हालाण्डबाट तोडिन सक्छ। रोनाल्डोले म्यानचेस्टर युनाइटेडबाट रियल पुगेपछि १ सय ५ खेलमा १ सय गोल गरेका थिए।
जसपश्चात रोनाल्डो कुनै पनि टोलीका लागि सबै भन्दा छिटो एक सय गोल पूरा गर्ने खेलाडी बनेका थिए। तर अब सो रेकर्ड तोडिने संघारमा छ र सो रेकर्ड तोड्ने व्यक्ति हालाण्ड बन्नेछन्।
हालाण्डले सिटी पुगेयता कुल १ सय ३ खेल खेलेका छन्। जसबाट उनले ९९ गोल गरिसकेका छन्। अब आगामी खेलमा गोल गर्ने बितिकै रोनाल्डोको सो रेकर्ड तोडिने छ।
च्याम्पियन्स लिगमा सिटीले अब बुधबार राति इन्टर मिलानको सामना गर्नेछ। इन्टर विरुद्धको खेल हालाण्डका लागि रोनाल्डोको रेकर्ड तोड्ने एक अवसरको रुपमा रहनेछ।
