एजेन्सी – मेजर सकर लिगको अन्तिम लिग खेलमा इन्टर मियामीले सानदार जित दर्ता गरेको छ। घरेलु मैदानमा आइतबार बिहान भएको खेलमा मियामीले सानदार जित दर्ता गरेको हो।
चेज स्टेडियममा मियामीले न्यू इंग्ल्याण्डलाई ६-२ को गोल अन्तरले पराजित गर्यो। मियामीका लागि अर्जेन्टिनी स्टार लियोनेल मेस्सीले ह्याट्रिक गर्दा लुइस सुआरेजले दुई गोल गरे।
त्यस्तै बेन्जामिन क्रेमास्चीले एक गोल गरे। पाहुना टोलीका लागि भने लुका लांगोनी र डिलन बोरेरोले एक-एक गोल गरे। खेलको पहिलो हाफ २-२ को बराबरीमा रहेपनि मियामीले दोस्रो हाफमा ४ गोल थपेको थियो।
११ मिनेटमा मेस्सीको ह्याट्रिक
सुरुवाती ११ मा नरहेपनि मेस्सीले दोस्रो हाफमा मैदान प्रवेश गर्ने अवसर प्राप्त गरेका थिए। मेस्सीले ह्याट्रिक पूरा गर्न मात्र ११ मिनेट लगाए। ५७ औं मिनेटमा मैदान प्रवेश गरेका उनले ७८ औं मिनेटमा पहिलो गोल गरे।
त्यसपछि उनले ८१ र ८९ औं मिनेटमा ब्याक टु ब्याक गोल गर्दै ह्याट्रिक पूरा गरे।
