एजेन्सी – मौकामा चौका हान्दै आर्सनल प्रिमियर लिगको शिर्ष स्थानमा उक्लिएको छ। म्यानचेस्टर सिटी र लिभरपुल बराबरीमा रोकिएको अवस्थामा जित निकाल्दै आर्सनल शिर्ष स्थानमा उक्लिएको हो।
प्रिमियर लिगमा शनिबार राति आर्सनलले ब्रेन्टफोर्डलाई पराजित गर्यो। खेलको ८९औँ मिनेटमा काइ हाभेर्टले गरेको गोल निर्णायक बन्दा आर्सनल शिर्ष स्थानमा उक्लियो।
आर्सनलले शिर्ष स्थानमा एक अंकको अग्रता बनाएको छ। सिजनका १३ खेल मद्ये ९ खेलमा जित निकाल्दा आर्सनलले एक खेलमा हार बेहोरेको छ भने ३ खेलमा बराबरीमा रोकिएको छ। आर्सनलको ३० अंक छ।
दोस्रो स्थानमा रहेको सिटीको २९ र तेस्रो स्थानको लिभरपुलको २८ अंक छ। शनिबार राति लिभरपुल र सिटीले १-१ को बराबरी खेलेका थिए।
