एजेन्सी – म्यानचेस्टर युनाइटेडका कप्तान ब्रुनो फर्नान्डेसले अर्जेन्टिनी युवा खेलाडी अलेजान्ड्रो गार्नाचोको प्रशंसा गरेका छन्। प्रिमियर लिगमा एभर्टनलाई ३–० ले पराजित गरेपछि फर्नान्डेसले युवा खेलाडी अलेजान्ड्रो गार्नाचोको अविश्वसनीय ओभरहेड किक गोलको प्रशंसा गरेका हुन्।
आइतबार नोभेम्बर २६ मा गुडिसन पार्कमा तेस्रो मिनेटमा गार्नाचोले उत्कृष्ट स्ट्राइक गर्दै रेड डेभिल्सका लागि खाता खोलेका थिए। उनले युनाइटेडक पूर्व स्टार क्रिस्टियानो रोनाल्डो स्मरण गराउने ओभरहेड किक गोल गरेका थिए।
खेल पश्चात पत्रकारहरुसंग कुराकानी गर्नेक्रममा फर्नान्डेसले गार्नाचो रोनाल्डोको ठूलो फ्यान रहेको बताए। त्यसक्रममा उनले गार्नाचो सधैं रोनाल्डोका भिडियोहरु गरेर बस्ने गरेको खुलासा पनि गरे।
“यो अचम्मको छ, यो संसारबाट बाहिरको कुरा हो। सायद उनले धेरै क्रिस्टियानो क्लिपहरू हेरिरहेको छन्! हामी सबैलाई थाहा छ कि उनी रोनाल्डोको ठूलो फ्यान हुन्।”,फर्नान्डेसले भने।
फर्नान्डेसले क्रिष्टियानो जस्तो बन्न गार्नाचोले लामो यात्रा तय गर्नुपर्ने बताउन छुटाएनन्। उनले भने,”क्रिष्टियानो जस्तो बन्न अझै लामो यात्रा तय गर्नुपर्ने हुन्छ, तर उनले त्यसतर्फ पाइला अगाडी बढाइसकेका छन्। उनी फुटबलको संसारमा केहि विशेष बन्न चाहन्छन् र मलाई लाग्छ कि उनीसँग त्यो गर्न सक्ने क्षमता छ।”
This fan angle of Alejandro Garnacho’s overhead kick 🔥pic.twitter.com/1oskR9A9lT
— utdreport (@utdreport) November 27, 2023
