एजेन्सी – स्पेनिस महारथी रियल म्याड्रिडका युवा स्टार जुड बेलिङ्घमले पोर्चुगिज स्टार क्रिस्टियानो रोनाल्डोलाई पछि पारेका छन्। रियल म्याड्रिडका लागि निरन्तर गोल गर्दै बेलिङ्घमले रोनाल्डोलाई पछि पारेका हुन्।
रियल म्याड्रिड आएदेखि निरन्तर गोल गर्दै एक बेलिङ्घमले रियलको पछिल्लो खेलमा पनि गोल गरे। उनले क्याडिज विरुद्ध एक गोल गर्दै एक असिस्ट दिएका थिए।
क्याडिज विरुद्ध गरेको गोल उनको १४ औं थियो। रियलका लागि १५ खेल खेल्दा १४ गोल गर्न सफल भएसंगै उनले रोनाल्डोलाई पछि पारे। उनी रियल म्याड्रिडका लागि १५ खेलमा सबै भन्दा बढी गोल गर्ने खेलाडी बने।
रोनाल्डोले रियल म्याड्रिडका सुरुवाती १५ खेलमा १३ गोल गरेका थिए। क्रिस्टियानो रोनाल्डो, अल्फ्रेडो डि स्टेफानो र प्रुडेन सान्चेजले कासा ब्लान्कासँगको आफ्नो पहिलो १५ आधिकारिक खेलमा गरेका १३ गोलको रेकर्डलाई बेलिङ्घमले तोडे।
