एजेन्सी – प्रिमियर लिगओ महत्वपूर्ण खेलमा म्यानचेस्टर युनाइटेडले कम्जोर लयलाई जारी नै राखेको छ। सन् २०२३-२४ को सिजन सुरु भएयता कम्जोर प्रदर्शन गरिरहेको युनाइटेड शनिबार राति न्यू क्यासल युनाइटेडसंग पराजित भयो।
न्यूक्यासलको घरेलु मैदानमा भएको खेलमा युनाइटेड १-० को गोल अन्तरले हार्यो। युनाइटेडलाई हराउन न्यू क्यासलका एन्थोनी गोर्डनले महत्वपूर्ण निर्णायक गोल गरे।
पहिलो हाफम कुनै पनि टोलीबाट गोल हुन नसकेपनि खेलको ५५ औं मिनेटमा एन्थोनी गोर्डनले गोल गरे। उनको गोल नै युनाइटेडलाई पराजित गर्न पर्याप्त बन्यो।
प्रिमियर लिगको जारी सिजनमा युनाइटेडले भोगेको यो छैठौं हार हो। सिजनका १४ खेल खेल्दा युनाइटेडले ८ खेलमा जित निकालेको छ। युनाइटेड यति बेला २४ अंक सहित लिगको सातौं स्थानमा छ।
विजयी न्यू क्यासल भने प्रिमियर लिगको पाँचौ स्थानमा छ। न्यूक्यासलको २६ अंक छ। उसले जारी सिजनमा १४ खेल मद्ये ८ खेलमा जित निकाल्दा ४ खेलमा हार बेहोरेको छ भने २ खेल बराबरी खेलेको छ।
