एजेन्सी – साउदी प्रो लिगको महत्वपूर्ण खेलका लागि शुक्रबार राति अल नासर एक्सनमा उत्रँदैछ। शिर्ष स्थानको अल हिलाललाई पछ्याईरहेको अल नासर साउदी प्रो लिगको जारी सिजनको १६ औं खेलका लागि एक्सनमा उत्रन लागेको हो।
शुक्रबार राति अल नासरले घरेलु मैदानमा अल रियादको सामना गर्नेछ। शुक्रबार अल नासर पछिल्लो खेलमा खेलमा अल हिलालसंग बेहोरेको हार बिर्साउने गरी प्रदर्शन गर्ने दाउमा हुनेछ।
अल नासर यति बेला साउदी प्रो लिगको दोस्रो स्थानमा छ। सिजनका १५ खेल खेल्दा उसले ११ खेलमा जित निकालेको छ भने तीन खेलमा हार बेहोरेको छ। एक बराबरी सहित अल नासरको ३४ अंक छ।
त्यस्तै अल रियाद भने लिगको १३ औं स्थानमा छ। रियादले यस सिजन ४ खेलमा जित निकाल्दा ७ खेलमा पराजय भोगेको छ। त्यस्तै ४ बराबरी सहित उसले १६ अंक बनाएको छ।
अल नासर र अल रियाद बीचको खेल नेपाली समय अनुसार रातको ११ बजेर ४५ मिनेटमा सुरु हुनेछ। खेल भारतीय च्यानल सोनी टेन २ च्यानलमा हेर्न सकिनेछ।
