मेस्सीको आगमनले मालामाल मियामी, पहिलो पटक पायो नयाँ उपाधि जित्ने सूवर्ण अवसर ! [ड्र सहित] -

एजेन्सी – अर्जेन्टिनी स्टार लियोनेल मेस्सी र उनको क्लब इन्टर मियामीले अर्को उपाधि जित्ने अवसर पाउने भएको छ। मेस्सीको आगमन पछि एक उपाधि जितिसकेको मियामीले अर्को उपाधिका लागि प्रतिष्पर्धा गर्ने अवसर प्राप्त गर्ने भएको हो।

मियामीले पहिलो पटक कोन्काकाफ च्याम्पियन्स कप खेल्न पाउने भएको छ। मियामीले कोन्काकाफ च्याम्पियन्स कपको अन्तिम १६मा सिधै इन्ट्री पाएको छ।

बिहिबार मात्रै कोन्काकाफ च्याम्पियन्स कपको ड्र सार्वजनिक भएको छ। सार्वजनिक ड्र अनुसार मियामीले प्रतियोगिताको पहिलो चरण खेल्ने छैन र दोस्रो चरणमा न्यासभिल एससी र मिनोस मोका बीचको विजेतासंग खेल्नेछ।

अन्तिम १६ बाट अगाडी बढेर मियामी क्वाटरफाइनल र सेमिफाइनल हुँदै फाइनल प्रवेश गर्दै उपाधि जित्ने योजनामा हुनेछ। तर त्यसको लागि मियामीले धेरै नै मिहिनेत गर्न पर्ने हुन्छ।

प्रतियोगिता सन् २०२४ को फेब्रुअरी ६ बाट सुरु हुनेछ। तर त्यसबेला पहिलो चरणका खेल हुनेछन्। मियामीले प्रतियोगिताको पहिलो खेल मार्च ५ पछि मात्र खेल्नेछ।