एजेन्सी – प्रिमियर लिग क्लब म्यानचेस्टर युनाइटेडले आउने जनवरी ट्रान्सफर विन्डोमा क्लबका केहि खेलाडीहरुलाई बिक्री गर्न सक्ने विभिन्न खेल मिडियाहरुले जनाएका छन्।
ओरालो लागेको क्लबलाई लाइनमा ल्याउन क्लबका केहि खेलाडीहरु बिक्री गरे युनाइटेडले केहि खेलाडी भित्र्याउने योजना बनाएको विभिन्न खेल मिडियाहरुले जनाएका हुन्।
म्यानचेस्टर युनाइटेडका प्रबन्धक एरिक टेन ह्याग जनवरी ट्रान्सफर विन्डोमा कासेमिरो, राफेल वाराने, जाडोन सान्चो र एन्थोनी मार्शलबाट छुटकारा पाउने योजनामा रहेको बताइन्छ।
द मिररले रिपोर्ट गर्छ कि रेड डेभिलहरू चार ताराहरूका लागि प्रस्तावहरू सुन्न इच्छुक छन् किनकि टेन ह्यागले आफ्नो टोली पुनर्निर्माण गर्न खोजिरहेका छन्।
युनाइटेड कराबाओ कपबाट बाहिरिसकेको छ भने उसको हातबाट च्याम्पियन्स लिग पनि फुत्किसकेको छ। च्याम्पियन्स लिगको समूह चरणमा युनाइटेड मात्र एक जित निकालेर बाहिरियो।
प्रिमियर लिगमा पनि युनाइटेडको अवस्था राम्रो छैन। युनाइटेडले प्रिमियर लिगका १६ खेलमा जित निकाल्दा ९ खेलमा जित निकालेको छ भने ७ खेलमा हारेको छ। युनाइटेड २७ अंक सहित प्रिमियर लिगको छैठौं स्थानमा छ।
