एजेन्सी – साउदी प्रो लिगमा आज राति अल नासरले अल ताओउनको सामना गर्दैछ। सन् २०२३-२४ को सिजनको १९ औं खेलमा अल नासरले अल ताओउनको सामना गर्न लागेको हो।
पोर्चुगिज स्टार क्रिस्टियानो रोनाल्डो प्रेरित अल नासरले सन् २०२३ को अन्तिम खेल खेल्नेछ। अन्तिम खेलमा सानदार जित निकाल्दै वर्षको बिदाई गर्ने योजनामा अल नासर हुनेछ।
अल नासर अहिले लिगको दोस्रो स्थानमा छ। उसले सिजनका १८ खेल खेल्दा १४ खेलमा जित निकालेको छ भने ३ खेलमा हार बेहोरेको छ। त्यस्तै एक खेलमा बराबरी सहित अल नासरले ४३ अंक बनाएको छ।
त्यस्तै अल ताओउन भने लिगको चौंथो स्थानमा छ। ताओउनले सिजनका १८ खेलमा १० जित निकालेको छ। त्यस्तै ४ खेलमा बराबरी खेल्दा उसले ४ खेलमा हार बेहोरेको छ। ताओउनको ३४ अंक छ।
अल नासर र अल ताओउनको पछिल्लो भेटमा अल ताओउन विजयी भएको थियो। अल नासरको घरेलु मैदानमा भएको सो खेलमा रोनाल्डो थिएनन्। सो खेल अल नासरले २-० को गोल अन्तरले हारेको थियो।
