एजेन्सी – सन् २०२३ को अन्तिम खेलमा म्यानचेस्टर युनाइटेड पराजित भएको छ। सन् २०२३-२४ को सिजन सुरु भएदेखि नै खासै राम्रो प्रदर्शन गर्न नसकिरहेको युनाइटेडले वर्षको अन्तिम खेलमा पराजय भोगेको हो।
युनाइटेड शनिबार राति नट्टीङघम फरेस्टले २-१ को गोल अन्तरले पराजित गर्यो। घरेलु टोलीको जितमा जितमा निकोलस डोमिनगेज र् मोर्गन गिब्सले एक एक गोल गरे।
त्यस्तै युनाइटेडका लागि भने एक मात्र गोल मार्कस राशफोर्डले गरेका थिए। खेलको पहिलो हाफमा कुनै पनि टोलीबाट गोल हुन सकेन। तर दोस्रो हाफमा भने तीन गोल भए।
युनाइटेडलाई पराजित गरेसंगै फरेस्ट प्रिमियर लिगको १५ औं स्थानमा उक्लिएको छ। सिजनका २० खेलमा ५ जित र १० हार सहित उसले २० अंक बनाएको छ।
त्यस्तै युनाइटेड भने अहिले प्रिमियर लिगको सातौं स्थानमा छ। युनाइटेडले प्रिमियर लिगका २० खेल मद्ये १० खेलमा जित निकालेको छ भने ९ खेलमा हार बेहोरेको छ। त्यस्तै एक खेलमा बराबरी खेल्दै युनाइटेडले ३१ अंक बटुलेको छ।
