एजेन्सी – शनिबार राति साउदी क्लब अल नासरले सन् २०२३ को अन्तिम खेलमा सानदार जित दर्ता गर्यो। अल नासरले अल तावोउनलाई उसकै घरेलु मैदानमा ४-१ को गोल अन्तरले पराजित गर्यो।
अल नासरको जितमा चार खेलाडीले गोल गरे र गोल गर्नेमा पोर्चुगिज स्टार क्रिस्टियानो रोनाल्डो पनि थिए। अल तावोउन विरुद्धको खेलमा रोनाल्डोले खेलको ९२ औं मिनेटमा गोल गरेका थिए।
अल तावोउन विरुद्ध रोनाल्डोले गरेको गोल उनका लागि सन् २०२३ को ५४ औं गोल थियो। रोनाल्डो सन् २०२३ मा सर्वाधिक गोल गर्ने खेलाडी हुन्।
वर्षकै सर्वाधिक गोल गरेपछि रोनाल्डोले आफू नम्बर वान रहेको संकेत गरे। गोल पश्चात रोनाल्डोले अल-नासर प्रशंसकहरूलाई विशेष इशारा गर्दै आफू नम्बर वान रहेको संकेत गरेका हुन्।
Cristiano Ronaldo to fans: “I am number one” 😭🤍
pic.twitter.com/DHeX3rbFTY— Mikael (@MikaelMadridsta) December 30, 2023
