एजेन्सी – एक सुपर कम्प्युटरले प्रिमियर लिग उपाधिका लागि लिभरपुल, आर्सनल र म्यानचेस्टर सिटी बीच कडा प्रतिष्पर्धा हुने र केहि अंकले मात्र लिग विजेताको टुंगो लाग्ने भविष्यवाणी गरेको छ।
इन्स्ट्यान्ट क्यासिनोको सुपर कम्प्युटरले प्रिमियर लिग उपाधिका लागि तीन क्लब बीच कडा प्रतिष्पर्धा हुने र त्यसमा लिभरपुल अगाडी आउने भविष्यवाणी गरेको विभिन्न खेल मिडियाहरुले जनाएका हुन्।
हाल प्रिमियर लिगको पहिलो स्थानमा लिभरपुल छ। लिभरपुलले यस सिजन मात्र २ पराजय भोगेको छ। १७ जित र ७ बराबरी सहित लिभरपुलले ५७ अंक जोडेको छ।
यस्तै दोस्रो स्थानमा रहेको आर्सनलले यस सिजन ४ खेलमा हार बेहोरेको छ। यस सिजन आर्सनलले २५ खेल मद्ये १७ खेलमा जित निकाल्दा ४ खेलमा बराबरी खेलेको छ। आर्सनलको ५५ अंक छ।
आर्सनल र लिभरपुल भन्दा एक खेल कम खेलेको सिटीले यस सिजन ३ खेलमा हार बेहोरेको छ। २४ खेल मद्ये १६ खेलमा जित निकाल्दा सिटीले ५ खेल बराबरी खेलेको छ। सिटीको ५३ अंक छ।
तीनै क्लब सिजनको सुरुवात देखि नै एक अर्कालाई कडा टक्कर दिँदै आएका छन्। गएको केहि समय देखि लिभरपुल निरन्तर शिर्ष स्थानमा छ।
