एजेन्सी- विभिन्न खेल मिडियाहरुका अनुसार पेरिस सेन्ट जर्मेन(पिएसजी) स्टार अच्राफ हाकिमी रियल म्याड्रिड फर्किन इच्छुक छन्। फ्रेन्च स्टार किलियन एम्बाप्पेले पिएसजी छाड्ने भएसंगै अच्राफ हाकिमी पनि रियल म्याड्रिड फर्किन तयार रहेको विभिन्न खेल मिडियाहरुले जनाएका हुन्।
पिएसजी र अच्राफ हाकिमी बीचको सम्झौता सन् २०२६ सम्मका लागि छ। यस सिजनको अन्त्य पछि उनी पिएसजीमा मात्र एक सिजन रहने योजनामा रहेको बताइन्छ।
पिएसजीसंगको सम्झौता सकिएपछि क्लबका अर्का स्टार किलियन एम्बाप्पे जस्तै फ्री ट्रान्सफरमा पिएसजी छाड्ने सक्ने हुँदै पिएसजीले उनलाई सन् २०२५ मा बिक्री गर्न सक्छ।
मुन्डो डेपोर्टिभो [फुटबल एस्पाना मार्फत] दावी गर्दछ कि पेरिस सेन्ट-जर्मेन विंग-ब्याक सन् २०२५ को समर विन्डोमा सान्टियागो बर्नाबेउ जान इच्छुक छन्।
हाकिमी एम्बाप्पेका मैदानमा र बाहिरका सबैभन्दा नजिकका साथी हुन्। रियल म्याड्रिड एकेडेमी स्नातक, मोरक्को अन्तर्राष्ट्रियले सन् २०१८ देखि सन् २०२० सम्म बोरुसिया डर्टमन्डमा हुँदा शीर्ष-फ्लाइट फुटबलको वास्तविक स्वाद चाखेका थिए।
सिग्नल इडुना पार्कमा उनले कुल ७३ खेलहरु खेले। जसमा उनले १२ गोल गरे भने १७ असिस्ट प्रदान गरे। त्यहाँबाट फर्किएपछि रियलले उनलाई इटालियन क्लब इन्टर मिलन पठायो।
इन्टरले उनलाई ४३ मिलियन यूरोमा खरिद गरेको थियो। त्यसपछि सन् २०२१ मा इन्टरबाट उनी पिएसजी पुगेका थिए। त्यसयता उनी निरन्तर पिएसजीका लागि उच्च प्रदर्शन गर्दै आएका छन्।
