एजेन्सी – प्रिमियर लिगको उपाधि होडमा रहेको आर्सनलले सानदार जित दर्ता गरेको छ। प्रिमियर लिग उपाधि दाबेदार आर्सनलले शनिबार राति घरेलु मैदानमा सानदार जति निकालेको हो।
घरेलु मैदानमा भएको खेलमा आर्सनलले न्यूक्यासल युनाइटेडलाई ४-१ को गोल अन्तरले पराजित गर्यो। आर्सनलको जितमा काइ हाभार्टले २४औं, बुकायो साकाले ६५औं र जाकुव किविओरले ६९औं मिनेटमा गोल गरे।
त्यस्तै एक गोल भने आर्सनलले उपहारमा पाएको थियो। स्भेन बुटमनले १८औं मिनेटमा आत्मघाती गोल गरेपछि आर्सनलले अग्रता लिएको थियो। पाहुना टोलीका लागि भने ज्याक विल्लकले ८४औं मिनेटमा सान्त्वना गोल फर्काएका थिए।
न्यूक्यासल माथि जित निकालेसंगै आर्सनलले एक नौलो रेकर्ड पनि बनाएको छ। आर्सनल प्रिमियर लिगको इतिहासमा फुटबलको लगातार सात हाफहरूमा दुई वा बढी गोल गर्ने पहिलो टोली बनेको छ।
यस्तै यस सिजन अर्सनलक लागि गोल गर्ने खेलाडीको संख्या १२ पुगेको छ। शनिबारको जितसंगै आर्सनलले शिर्ष स्थानको लिभरपुलसंगको अंकदूरी घटाएको छ।
आर्सनलले प्रिमियर लिगका २६ खेलबाट १६ जित र ४ हार सहित ५८ अंक बनाएको छ। आर्सनल लिभरपुल भन्दा २ अंक तथा सिटी भन्दा एक अंकले पछि छ। पराजित न्यूक्यासल ३७ अंक सहित आठौं स्थानमा छ।
