एजेन्सी – जर्मन क्लब बायर्न म्युनिखका मिडफिल्डर जोशुआ किमिचका लागि प्रिमियर लिगका दुई क्लब बीच कडा प्रतिष्पर्धा हुने भएको छ।
विभिन्न खेल मिडियाहरुका अनुसार किमिचका लागि आगामी समर ट्रान्सफर विन्डोमा दुई क्लब बीच कडा प्रतिष्पर्धा हुने भएको हो।
आगामी समर ट्रान्सफर विन्डोमा बायर्न म्युनिखका मिडफिल्डर जोशुआ किमिचका लागि लिभरपुल र म्यानचेस्टर युनाइटेड बीच प्रतिष्पर्धा हुने भएको केहि खेल मिडियाहरुले जनाएका छन्।
सन् २०१५ मा स्टटगार्टबाट ७ मिलियन पाउण्डमा आएका किमिच निरन्तर बायर्नको पहिलो टोलीको स्टार्टरको रुपमा स्थान बनाइरहेका छन्। बायर्नबाट उनले अहिले सम्म कयौं उपाधि जितिसकेका छन्।
लामो बायर्न करियरमा उनले ८ बुन्डेसलिगा उपाधि सहित २० उपाधि जितेका छन्। उनी अहिले बायर्नसंगको सम्झौताको अन्तिम १७ महिनामा छन्। किमिच निकट भविष्यमा प्रिमियर लिगमा खेल्न सक्छन्।
