एजेन्सी – मेजर सकर लिग क्लब इन्टर मियामीले बिहिबार बिहान कन्काकफ च्याम्पियन्स कपको क्वार्टरफाइनलको दोस्रो लेगमा मेक्सिकन क्लब मोन्टेरेको सामना गर्यो।
पहिलो लेगमा २-१ को गोल अन्तरले पराजित भएको मियामीले दोस्रो लेगमा पनि पराजय भोग्यो। मोन्टेरेको घरेलु मैदानमा भएको दोस्रो लेगमा मियामी ३-१ को गोल अन्तरले पराजित भयो।
जससंगै मियामी समग्रमा ५-२ को हार बेहोरेर प्रतियोगिताबाट बाहिरियो। अर्जेन्टिनी स्टार लियोनेल मेस्सी र उरुग्वेलु स्टार लुइस सुआरेज भएर पनि मियामीले जित निकाल्न सकेन।
लाग्यो रोनाल्डोको नामको नारा
मियामीले मोन्टेरेको सामना गर्दा घरेलु समर्थकले पटक-पटक पोर्चुगिज स्टार क्रिस्टियानो रोनाल्डोको समर्थनमा नारा लगाए। घरेलु समर्थकले पहिलो हाफपछि मेस्सी ड्रेसिङ रुम जाँदा ‘रोनाल्डो-रोनाल्डोको नारा लगाएका थिए।
Monterrey Club fans chant
“Cristiano Ronaldo, Cristiano Ronaldo, Cristiano Ronaldo ”
Cristiano Ronaldo will forever haunt Lionel Messi wherever he goes 😂 pic.twitter.com/wYeFjsZk4F
— NK_.CR7 (@NK__CR7) April 11, 2024
मोन्टेरे समर्थकले दोस्रो हाफमा पनि त्यस लयलाई जारी राखेका थिए। मोन्टेरे समर्थकले रोनाल्डोको नामको नारा लगाएपनि मेस्सीले त्यसमा कुनै प्रतिक्रिया भने जनाएनन्।
🚨🚨🚨 Monterrey fans chanting “Cristiano Cristiano “ as they embarrass and Eliminate the inter Miami super team in the Concaf Champions League
Gotta feel sorry for Messi here tbh he’s always in Ronaldo’s shadow pic.twitter.com/MwmpPnZ14J
— 🥷…. (@MessiHype) April 11, 2024
