एजेन्सी – इन्टर मियामी स्टार जोडी लियोनेल मेस्सी र लुइस सुआरेसले एलए ग्यालेक्सीका पूर्व स्टार ल्यान्डन डोनोभान र डेभिड बेकह्यामको लामो समयदेखिको कीर्तिमानसँग बराबरी गरेका छन्।
मियामीका लागि यस सिजन धेरै राम्रो प्रदर्शन गरिरहेका जोडी लियोनेल मेस्सी र लुइस सुआरेसले एलए ग्यालेक्सीका पूर्व स्टार ल्यान्डन डोनोभान र डेभिड बेकह्यामको लामो समयदेखिको कीर्तिमानसँग बराबरी गरेका हुन्।
दोस्रो खेलमा दुई गोल गर्दै एक असिस्ट प्रदान गरेपछि सो प्रदर्शनको लागि मेस्सी मेजर सकर लिग प्लेयर अफ द म्याचडे घोषित भए। यस सिजन मेस्सी र सुआरेजले दुई-दुई प्लेयर अफ द म्याचडे अवार्ड जितेका छन्।
यससंगै सन् २००८ को सिजनमा एलए ग्यालेक्सीका पूर्व स्टार ल्यान्डन डोनोभान र डेभिड बेकह्याम मिलेर चार प्लेयर अफ द म्याचडे अवार्ड जितेका थिए। तर सो रेकर्डसँग मेस्सी र सुआरेजले बराबरी गरेका छन्।
बार्सिलोनाका पूर्व स्टारहरूले यस सिजनको राम्रो सुरुवात गरेका छन्। मेस्सीले एमएलएस एक्शनमा नौ गोल गरेका छन् भने सात असिस्ट प्रदान गरेका छन्।
सुआरेजले सात गोल गर्दा ४ असिस्ट प्रदान गरेका छन्।
