एजेन्सी – साउदी प्रो लिगको महत्वपूर्ण खेलमा लिग लिडर अल हिलालले सानदार जित निकालेको छ। साउदी प्रो लिगको २९ औं खेलमा अल हिलालले सानदार जित निकालेको हो।
शनिबार राति अल हिलालले अल ताउन माथि ३-० को जित दर्ता गर्यो। किंग अब्दुल्ला स्पोर्ट सिटी स्टेडियममा भएको खेलमा अल हिलालले पहिलो हाफमा एक, दोस्रो हाफमा एक र इन्ज्युरी समयमा एक गोल गरेको थियो।
खेलभर अल हिलालले बलमा राम्रो नियन्त्रण राखेर आक्रमण गर्यो। बलमा हिलालको कुल ६० प्रतिशत नियन्त्रण थियो। खेलभर हिलालको तर्फबाट ११ प्रहार भएका थिए।
जसमध्ये ५ प्रहार टार्गेटमा थिए भने ३ प्रहार गोलमा परिणत भए। अल ताउनले खेलभर ५ प्रहार गर्दा एक प्रहार टार्गेटमा थियो। तर सो प्रहार गोलमा ह्बने परिणत भएन।
अल हिलालका लागि खेलको ४० औं मिनेटमा आलेक्सान्दर मित्रोभिचले गोल गरेका थिए। उनको गोल संगै अल हिलाल पहिलो हाफमा १-० को गोल अन्तरले अगाडी बढेको थियो।
खेलको ७० औं मिनेटमा साउद अब्दुलहमिदले गोल गर्दा अल हिलाल २-० को गोल अन्तरले अगाडी बढ्यो। इन्ज्युरी समयको सातौं मिनेटमा सालेह अलशेहरीले गोल गर्दा अल हिलाल ३-० को जित पक्का गर्यो।
यस जितसंगै अल हिलालले साउदी प्रो लिगको शिर्ष स्थानमा १२ अंकको अग्रता बाएको छ। त्यस्तै अल ताउन ५१ अंक सहित चौंथो स्थानमा छ।
