एजेन्सी – प्रिमियर लिग उपाधि होडमा रहेको लण्डन क्लब आर्सनलले सानदार जित दर्ता गरेको छ। प्रिमियर लिगको जारी सिजनको ३६ औं खेलमा आर्सनलले सानदार जित दर्ता गरेको हो ।
आर्सनलले शनिबार घरेलु मैदानमा बोर्नमाउथलाई ३-० को गोल अन्तरले पराजित गर्यो। आर्सनलको जितमा बुकायो साका, लिआन्ड्रो ट्रोसार्ड र डेक्लान राइसले एक-एक गोल गरे।
खेलको ४५ औं मिनेटमा साकाको गोलबाट आर्सनलले अग्रता पाएको थियो। उनले पेनाल्टीमा गोल गरेका थिए। खेलको ७० औं मिनेटमा लिआन्ड्रो ट्रोसार्डले गोल गर्दा आर्सनलले २-० को अग्रता पायो।
निर्धारित ९० मिनेट सकिएपछि थप भएको इन्ज्युरी समयमा आर्सनलले गोल थप्दै ३-० को जित पक्का गर्यो। आर्सनलका लागि तेस्रो गोल राइसले इन्ज्युरी समयको ७ औं मिनेटमा गरेका थिए।
यस जितसंगै आर्सनलले शिर्ष स्थानमा ४ अंकको अग्रता बनाएको छ। आर्सनलले ३६ खेल मध्ये २६ मा जित ५ हार र ५ बराबरी खेल्दै ८३ अंक बनाएको छ।
२ खेल कम खेलेको म्यानचेस्टर सिटीको ७९ अंक छ। पराजित बोर्नमाउथ ४८ अंक जोडेर १० औं स्थानमा छ।
