एजेन्सी – आइतबार बिहान मेजर सकर लिग क्लब इन्टर मियामी एक्सनमा उत्रँदैछ। मेजर सकर लिगको जारी सिजनको १३ औं खेलका लागि मियामै आइतबार बिहान एक्सनमा उत्रन लागेको हो।
आइतबार बिहान मियामीले मोन्ट्रियालको सामना गर्नेछ। मियामी र मोन्ट्रियाल बीचको खेल क्यानडाको सापुतो स्टेडियममा हुनेछ। खेल नेपाली समय अनुसार बिहानको ५ बजेर १५ मिनेटमा सुरु हुनेछ।
मियामी अहिले मेजर सकर लिगको इस्टर्न कन्फरेन्स तर्फको शिर्ष स्थानमा छ। मियामीले यस सिजन खेलेका १२ मध्ये ७ खेलमा जित निकालेको छ भने २ खेलमा आहार बेहोरेको छ।
यस सिजन मियामी ३ खेलमा बराबरीमा रोकिएको छ। मियामीको २४ अंक छ। त्यस्तै मोन्ट्रियाल भने ११ औं स्थानमा छ। मोन्ट्रियालले १० खेल खेल्दा मात्र ३ खेलमा जित निकालेको छ।
त्यस्तै ४ खेलमा पराजय भोग्दा उसले ३ खेलमा बराबरी खेलेको छ। मोन्ट्रियालको १२ अंक छ। गत सिजन मियामी मोन्ट्रियालसँग पराजित भएको थियो।
मियामी पक्कै पनि यस पटक भने जित निकाल्ने पक्षमा हुनेछ। अर्जेन्टिनी स्टार लियोनेल मेस्सी निरन्तर चम्किँदा मियामीले निरन्तर जित निकालिरहेको छ।
