एजेन्सी – अल हिलालले साउदी प्रो लिगको उपाधि जितेको छ। सिजन सुरु भएयता निरन्तर उच्च प्रदर्शन गर्दै आएको अल हिलालले अपराजित रहँदै साउदी प्रो लिगको उपाधि जितेको हो।
शनिबार राति अल हिलालले अल हाजमलाई ४-१ गोल अन्तरले पराजित गर्यो। जससंगै अल हिलाल सिजनका तीन खेल बाँकी छँदै लिग साउदी प्रो लिग च्याम्पियन बन्यो।
अल हिलालको जितमा अलेक्जाण्डर मिट्रोभिकले २ गोल गरे भने सेर्गेज मिलिन्कोभिकले एक गोल गर्दा एक गोल भने उपहारमा पाएको थियो। अहमद अल जुवैदले एक आत्मघाती गोल गरेका थिए।
अल हाजमका लागि फैज सेलेमानीले एक गोल गरेका थिए। खेलमा भएका पाँच मध्ये पाँचै गोल पहिलो हाफमा भएका थिए। दोस्रो हाफमा दुवै टोलीबाट कुनै गोल हुन सकेनन्।
अल हिलालले यस सिजन साउदी प्रो लिगका ३१ खेल मध्ये २९ खेलमा जित निकाल्दा २ खेलमा बराबरी खेलेको छ। अल हिलालको ८९ अंक छ। दोस्रो स्थानको अल नासरको ७७ अंक रहेको छ।
अल नासर भन्दा स्पष्ट १२ अंकको अग्रता भएसंगै अल हिलाल ३ खेल अगावै च्याम्पियन बन्यो। !
