एजेन्सी – अल-नासरका पोर्चुगिज स्टार क्रिस्टियानो रोनाल्डो साउदी प्रो लिगको मे महिनाको उत्कृष्ट खेलाडी घोषित भएका छन्। मे महिनामा गरेको उच्च प्रदर्शनका लागि रोनाल्डो साउदी प्रो लिगको मे महिनाको उत्कृष्ट खेलाडी घोषित भएका हुन्।
रोनाल्डोले साउदी प्रो लिगमा मे महिनामा निरन्तर उच्च प्रदर्शन गरेका थिए। मे महिनामा उनले अल नासरबाट साउदी प्रो लिगमा ५ खेल खेलेका थिए।
जसमा उनले एक ह्याट्रिक सहित ६ गोल गरे। ५ खेलमा ६ गोल गरेका कारण रोनाल्डोले प्लेयर अफ द मन्थको अवार्ड प्राप्त गरे। साउदी प्रो लिगको जारी सिजनमा रोनाल्डोले प्लेयर अफ द मन्थको अवार्ड जितेको यो पाँचौ पटक हो।
पोर्चुगिज सुपरस्टारले यो सिजन पाँच प्लेयर अफ द मन्थ अवार्ड जिते। उनले अगस्ट, सेप्टेम्बर, डिसेम्बर र मार्चमा पनि प्लेयर अफ द मन्थको अवार्ड जितेका थिए।
रोनाल्डोले यस सिजन साउदी प्रो लिगको सर्वाधिक गोलकर्ता बनेर सिजनको अन्त्य गरे। रोनाल्डोले यस सिजन साउदी प्रो लिगमा कुल ३५ गोल गरे।
रोनाल्डो साउदी प्रो लिगको एकै सिजनमा सर्वाधिक गोल गर्ने खेलाडी पनि हुन्।
RSL record breaker, 2023/24 top scorer and Player of the Month for May… 🐐🇵🇹#yallaRSL pic.twitter.com/sACRYoJchV
— Roshn Saudi League (@SPL_EN) June 5, 2024
