एजेन्सी – युरो कपमा उच्च प्रदर्शन गर्दै स्पेनका मिडफिल्डर रोड्रिले बालोन डी’ओर दौड सानदार जम्प हानेका छन्। युरो कपमा स्पेनका लागि उच्च प्रदर्शन गरेपछि रोड्रिले बालोन डी’ओर जित्ने दौडमा जम्प हानेका हुन्।
रोड्रि बालोन डी’ओर दौडको पाँचौं स्थानमा उक्लिएका छन्। उनी अहिले विश्वको उत्कृष्ट डिफेन्सिभ मिडफिल्डरको रुपमा रहेका छन्। उनले म्यानचेस्टर सिटीका लागि सन् २०२३-२४ को सिजनमा उत्कृष्ट प्रदर्शन गरेका थिए।
गत सिजन उनले सिटीबाट प्रिमियर लिग, क्लब विश्वकप र युइएफए सुपर कप जितेका थिए। सिटीका लागि उनले ९ गोल गर्दा १४ असिस्टको योगदान दिएका थिए।
उनी यस ग्रीष्ममा युरो २०२४ मा एक प्रतिभाशाली स्पेन टोलीको लागि पनि एक प्रमुख व्यक्तित्व साबित भइरहेका छन्। युरो कपको अन्तिम १६ मा उनले जर्जिया विरुद्ध सानदार गोल गर्दै सबैलाई प्रभावित बनाएका थिए।
स्पेन अहिले युरो कपको क्वाटरफाइनलमा पुगिसकेको छ। क्वाटरफाइनलमा स्पेनले आयोजन जर्मनीको सामना गर्नेछ। जर्मनीलाई पराजित गर्ने हो भने स्पेन सेमिफाइनल पुग्नेछ।
स्पेनले युरो कप जितेको खण्डमा रोड्रिले बालोन डी’ओर जित्ने योग्य खेलाडीको रुपमा देखा पर्नेछन्। हालको अवस्थामा बालोन डी’ओर जित्ने दौडमा भिनिसियस जुनियर र जुड बेलिङ्घम छन्।
