एजेन्सी – रियल मड्रिडले स्पेनिस ला लिगामा शीर्ष स्थानको बार्सिलोनासँग अंक बराबरी गरेको छ। आइतवार बिहान महत्वपूर्ण जित निकाल्दै रियलले बार्सिलोनासँग अंक बराबरी गरेको हो।
रियलले सेल्टा डि भिगोलाई २-१ ले पराजित गर्दै २४ अंक बनायो। खेलको २० औं मिनेटमा केलियन एम्बाप्पेले गोल गर्दै रियललाई अग्रता दिलाए।
तर, ५१ औं मिनेटमा सेल्टाका विलियोट स्वेडबर्गले बराबरी गोल गरे। अन्ततः, ६६ औं मिनेटमा भेनिसियस जुनियरले निर्णायक गोल गर्दै रियललाई जित दिलाए।
यस जितसँगै, रियल मड्रिडले १० खेलबाट २४ अंक जोडेको छ, भने बार्सिलोना पनि २४ अंकसहित शीर्ष स्थानमा छ, तर उसले एक खेल कम खेलेको छ।
